Escola Infantil Paparolo

Máis preto das familias, máis preto de ti

Todo o que precisas saber sobre a nosa escola

Metodoloxía Agazziana

Tomando como base a espontaneidade do neno, o xogo libre e o ambiente amoroso e respectuoso, procuramos que os máis pequenos se desenvolvan e potencien as súas habilidades.

Saber máis

Diferentes actividades

Levamos a cabo rutas, visitas a diferentes espazos do casco vello compostelá, cursos de natación, actividades pedagóxicas de aproximación á lingua inglesa... Traballamos para ofrecer aos alumnos as mellores experiencias.

Máis información

Instalacións completas

Contamos con espazos dedicados á cociña, bibliotecas, espazos para o cambio e descanso... Todo o necesario para atender calquera necesidade dos nenos que acoden á nosa escola infantil.

Saber máis

A escola infantil para os máis pequenos en Santiago

Na Escola Infantil Paparolo en Santiago de Compostela adicámonos ao eido da educación infantil no seu 1º ciclo, de 0 a 3 anos, dende o ano 1996. Decidimos impulsarnos por este sector por motivos vocacionais que xorden da nosa etapa de formación universitaria e de pensar, como sinala Francesco Tonucci, que: “Nos primeiros anos póñense os alicerces de todo o que se vai construír, facer e aprender ao longo da vida e os cimentos pódense poñer só nesta etapa”.

Contamos cunha ampla experiencia como mestres e técnicos en educación infantil noutras escolas, desenvolvendo diferentes funcións. Dito recorrido, e o noso interese pola formación continua, fixeron que novas inquedanzas persoais e profesionais tomaran forma e contido no que hoxe é a Escola Infantil Paparolo.

Educación en base á Metodoloxía Agazziana

Somos un pequeno equipo, nunha pequena escola, dun pequeno barrio de Compostela. Tentamos estar ao día no ámbito pedagóxico e metodolóxico, adaptándoo ás nosas necesidades e á nosa realidade máis inmediata. Vimos desenvolvendo o noso proxecto educativo dende hai máis de 20 anos e o noso espírito baséase nunha relación estreita coas familias, na confianza recíproca e na colaboración activa na educación dos/das seus/súas fillos/as.

Temos formación e experiencia psicopedagóxica que nos axuda á resolver as inquedanzas e dúbidas que nais e pais poidan ter no seu día a día no desenvolvemento das súas crianzas.

Educación en base á Metodoloxía Agazziana

Escola adscrita á axuda da Consellería de política Social para o fomento da gratuidade da atención educativa para todas e todos as nenas e nenos en escolas infantís 0-3.

Quen somos?

A Escola Infantil Paparolo de Santiago de Compostela é un centro privado de educación infantil. Somos unha sociedade civil constituída por un grupo de profesionais do ámbito educativo que no curso 2009 a 2010 comezaron unha nova andaina que continúa a iniciada anteriormente por un membro do noso grupo.

Quen ven?

O centro desenvolve o seu labor con nenos/as de 0 a 3 anos e os seus traballadores son mestres especialistas, mestres-psicopedagogos e diplomados en puericultura. Ofrecendo un proxecto educativo ben desenvolto e unha ampla variedade de servizos.

Onde estamos?

Atopámonos na rúa Campo do Cruceiro do Gaio, a escasos minutos a pé da catedral de Santiago de Compostela, rodeado de amplas zonas verdes (Alameda, Campus Sur e Cálea Galeras). Dispoñemos de comodidades de acceso e dunha zona de aparcadoiro, cunha estancia máxima de 10 minutos, para recoller aos máis pequenos.

Que pensamos?

Familia e escola deben camiñar xuntas co obxectivo común de proporcionar ás/aos pequenas/os un desenvolvemento integral: cognitivo, físico, social, afectivo e moral. A escola debe promover o respecto á diversidade, a igualdade, a coeducación, a solidariedade e o coidado do medio ambiente.

A que horas?

O horario de funcionamento habitual é de 7:45 a 20:00, aínda que a escola infantil abrirá un mínimo de 8 horas diarias en xornada partida ou continuada, cinco días á semana de luns a venres e doce meses ao ano, salvo causa xustificada. Non obstante, respectando estes criterios mínimos, a escola poderá determinar os seus calendarios e horarios de apertura e peche ao público en función da demanda existente e da necesaria conciliación da vida persoal, familiar e laboral dos/as seus/súas solicitantes. As causas dos peches, estarán acreditadas.

Escola Infantil Paparolo

Máis preto das familias, máis preto de ti

Orde da Gratuidade para o curso 2024-25: esta escola ten concedida a subvención para a gratuidade da Atención Educativa e da Matrícula de tod@s @s nen@s nas escolas infantís da Comunidade Autónoma de Galicia.

CURSO ESCOLAR 2024-25
Infórmate na nosa escola: 981 56 63 05 - 604 085 884
alejandro@escolainfantilpaparolo.es

Prazos a ter en conta

a) Para solicitar a renovación de praza: do 13 ao 28 de febreiro.
b) Para o pago da renovación de praza: do 1 ao 10 de marzo (mediante recibo domiciliado).
c) Para solicitar a reserva de praza de novo ingreso: do 1 ao 21 de marzo.
d) A escola publicará no seu taboleiro a listaxe cos/coas nenos/as que se admitiron: o 25 de marzo.
e) Para o pago da reserva de praza de novo ingreso: do 16 ao 30 abril.
f) Para realizar a matrícula de novo ingreso: do 1 ao 15 de abril.

¡IMPORTANTE! Non se terán en conta as solicitudes ou reservas presentadas con anterioridade á apertura do prazo de admisión. Todas as solicitudes (renovacións e novos ingresos) deberán presentarse enviando por mail, nos prazos indicados, a folla de solicitude correspondente cumprimentada e asinada para que quede constancia da data e hora da súa presentación.

Criterios de preferencia

Criterios de preferencia na admisión do alumnado dentro do prazo ordinario de presentación de solicitudes

1º Solicitudes para nenos e nenas xa escolarizados no curso anterior (renovacións de matrícula).
2º Solicitudes de fillos ou fillas de persoal que preste servizo na escola infantil.
3º Solicitudes para nenos ou nenas con irmás ou irmáns con praza renovada no mesmo centro.
4º Nenos ou nenas cuxos pais (os dous ou un no caso de familias monoparentais) estean traballando. Procedemento de comprobación da escola: as familias deberán acreditalo mediante a presentación da cabeceira da última nómina, certificado de empresa, etc.

Se se produce un empate, terán prioridade:

1º A orde de presentación de solicitudes.
2º As xornadas completas con comedor fronte ás medias xornadas.

Criterios de preferencia na admisión do alumnado fóra do prazo ordinario de presentación de solicitudes

1º Solicitudes para nenos ou nenas con irmás ou irmáns con praza renovada no mesmo centro ou que rematan ese ano.
2º Solicitudes para nenos ou nenas con horario máis amplo de asistencia e que fagan uso do servizo de cociña.

Calquera dúbida, será resolta polo persoal da escola.

Contacta connosco

Non dubides en contactar connosco se queres saber máis sobre a nosa escola infantil en Santiago de Compostela ou sobre algún dos nosos servizos.

Contactar